ZER DA EMOTIONAL FABRIKA?

 

Idoia Postigoren Emotional Fabrika izeneko proiektuak banakako zein taldekako giza jokabideari buruzko hausnarketak partekatzea du helburu.

NORENTZAT DA EMOTIONAL FABRIKA?

 

 

Emotional Fabrika hazi eta hobetu nahi duten pertsonei zuzenduta dago. Hala, gure pentsaera, sentipenak eta jokabidea ezbaian jarriko ditugu.

Zein da Emotional Fabrika-ren filosofia?

Emotional Fabrikak pertsonok hazteko eta garatzeko berezko gaitasuna dugulako premisaren gainean egiten du lan, baldintza genetikoetatik, gure sinesmenetatik eta bizipenen baldintzetatik haratago.
Ez gara aske gertatzen zaizkigun gauzak zehazteko, baina bai, ordea, haiei nola aurre egin erabakitzeko. Izan ere, pertsonak aske gara geure erabakiak hartzeko eta, haiekin, egunez egun geure buruak eraikitzeko. Protagonismo horretan datza pertsonen gaitasuna bizi erronkak gainditzeko eta helburuak lortzeko.

Nolako gaiak jorratzen dira Emotional Fabrikan?

Emozioek gure esentziaren alderdi banaezina osatzearen garrantzian datza Emotional Fabrikaren mezua. Horretarako, izaki emozionalak garela sustatzen du. Gure alde arrazionala eta gure alde emozionala elkarren ondoan daude. Emozioak gure bizitzaren dimentsio guztietan agertzen dira, gure bizipen zein jardueretan eragina dute eta gure jokabidea gidatzen dute.

Premisa hori Idoia Postigoren argitalpenetan zein blog honen hausnarketetan agertzen da. Azken honi dagokionez, honako gai hauei lotutako edukiak lantzen ditu:

Adimen emozionala
Motibazioa
Lidergoa
Ekintzailetza
Asertibitatea
Jabekuntza
Komunikazioa
Taldeen kudeaketa profesionala eta emozionala

Ikuspegi horretan sakondu eta hausnarketak nirekin partekatu nahi badituzu, adimen emozionalaren eta etikaren eskutik errealitatearen beste ikuspegi batzuk bilatzen badituzu, Emotional Fabrika ezagutzera gonbidatu nahi zaitut.

ongi etorri!